Монгол залуугийн бүтээл шилдэгээр дахин шалгарчээ

Комьпютер график дизайны чиглэлээр амжилттай ажиллаж суралцаж байгаа авъяаслаг залуучуудын нэг бол Чулуунбатын ГАНБОЛД юм. Тэрээр Интернэт гигант Яахуу (YАHOO! Inc.) групийн салбар компанид дизайны хэлтэс хариуцан (Creative Director) ажиллахын зэрэгцээ Охайо мужийн Кентийн Их сургуульд суралцаж байгаа юм.

Түүний ур ухаанаа шингээн хийсэн олон веб сайтууд Интернэт ертөнцөд Монгол гэдэг өнгө төрхийг нэр төртэй төлөөлдөг билээ.
Кентийн их сургуулийн цахим урлагын танхимаас Computer Graphic болон 3D animation, design art чиглэлээр жил бүхэн явуулдаг уламжлалт уралдаанд түүний бүтээл хоёр дахь жилдээ дараалан тэргүүллээ. Энэ жилийн уралдаанд арт дизайны 70 гаруй шилдэг 3D animator, дизайнерүүд оролцсон байна. Тэрээр энэ удаа Монголын түүхийн холбогдолтой цуврал бүтээлүүдээр оролцжээ.

Уншигч та ч гэсэн хэрвээ компьютер график сонирхдог бол түүнийг бараг таних бизээ. Түүний хийсэн олон гайхалтай бүтээлүүдийг хараад график сонирхогч залуус дуу алддаг билээ. Түүний анхлан хийж байсан бүтээлүүд нь ч гэсэн одоо надад тод санагдаж байна. Магадгүй та түүнийг бэлэн загвар ашиглаж байсан гэх байх. Харин бэлэн загвар ашиглаад суралцаад одоо ямар хэмжээнд сэтгэж бүтээж байгаа болон түүнийг Монголд биш бүр дэлхийд хэрхэн үнэлэж байгааг харж байгаа болов уу.

Ганболдын гэр бүл Г.Дариа нь бас Кентийн их сургуульд Copmuter Graphic, 3D animation дизайны чиглэлээр суралцдаг бөгөөд Бээжингийн их сургуулийг уран зургийн мэргэжилээр төгссөн авъяаслаг зураач бүсгүй бий. Тэрээр мөн байгаль орчин, дэлхийн цөлжилттэй холбоотой дараах бүтээлээрээ энэхүү уралдаанд оролцжээ.

Залуу уран бүтээлч гэр бүлд ажил сурлагын амжилт сайн сайхныг хүсэн ерөөе!
Уншигч та Ч.Ганболдын хувийн веб орчинд зочлон саатаж уран бүтээлтэй нь дэлгэрэнгүй танилцаарай. www.ganbold.com
Эх сурвалж: www.zamdaan.com , http://www.orloo.info/index.php?option=com_content&task=view&id=3115&Itemid=1

(Зураг дээр: уралдаанд түрүүлсэн Ганболдын 3D бүтээлээс )