Гар Утас - аа хэрхэн Утасгүй гар + Хулгана болгох вэ?

Саяхан нэг компьютерийг зайнаас удирдах хэрэг гараад тэгээд утасгүй буюу wireless keyboard + mouse ны эрэлд гарлаа. Тун давгүй боломжийн сонголтууд интернэтэд нилээн байна. Үнийн хувьд $50 - $200 -ын хооронд. Бараг л нэг нэгийг сонгочихоод сууж байтал нэг хачин санаа төрлөө. Утсаа яагаад утасгүй гар, хулгана болгож болохгүй гэж. Сүүлийн үеийн ихэнх утаснууд Гартай, даралтат дэлгэцтэй байдаг. Түүнээс гадна цэнхэр шүдгүй(Bluetooch), утасгүй сүлжээний кардгүй(WiFi Aka Wireless Lan Card) утас гэж бараг байхгүй болчихсон.

Ингээд юмыг яаж мэдэх вэ гээд хайж үзтэл хүмүүс аль хэдийн энэ талаар бодож олоод программыг нь хийчихсэн байдаг байгаа. http://www.gbmsoftware.com/ энэ сайтаар зочлоод үзээрэй үнэхээр гайхалтай. Энэ газрын бүтээсэн Gremote Pro хэмээх программ нь таны Windows Mobile утсыг утасгүй гар, хулгана болгон хувиргана. Программ нь компьютер дээр сервер үүсгэж хийсвэр драйвер байгуулна. Харин утсан дээр Клиент программ суугдана. Ингээд Утсаа ашиглаад хүссэн зайнаасаа компьютерээ удирдаж болно. Энэхүү программ нь Wireless Lan, Bluetooth зэрэг технологи ашиглан сүлжээгээр дамжуулан ажилладаг болохоор таны нүдний хараа хүрч болох хангалттай холоос удирдахад ямар ч асуудалгүй. Программ нь утасны даралтат дэлгэцийг хулгана болгоод зогсохгүй утасны гарыг компьютерийн гар болгоно. Цаашлаад хэрвээ таны утас газрын татах хүч мэдрэгчтэй (IPhone дээр хүмүүс илүү сайн мэдэх байх утасаа хэвтүүлэхэд дэлгэц хэвтдэг тэр технологи) бол Air Mouse(саяхан гарсан утасгүй хөдөлгөөн мэдэрдэг хулгана), Wheel(ихэвчилэн тоглоомонд машины рулийг орлуулахад ашигладаг, Wii болон Iphone той хүмүүс сайн мэдэх байх), Joystick(тоглоомонд түлхүү ашиглагддаг тоглоомны гарны үүрэг гүйцэтгэнэ) болгон ашиглаж болно. Үнэхээр гайхалтай байгаа биз. Хэрвээ миний яриад байгаа ойлгогдохгүй байвал доорх видеонуудыг үзээрэй.

Уул нь яг хулгана болон гар болгож байгаа видео хайсан боловч олсонгүй. Тэгэхдээ таныг ерөнхийд нь ойлгосон гэдэгт итгэлтэй байна. Би өөрөө HTC 6800 Windows Mobile 6.1 утас болон Windows 7 орчинг ашиглан дээрх асуудлаа шийдсэн бөгөөд таны асуудлыг ч гэсэн шийдэж чадна гэж найдаж байна. Мөн дашрамд дурдахад Iphone, Ipod Touch нарт ч гэсэн ийм төрлийн программ байдаг юм байна лээ. Бага зэрэг Гүүглэдэхэд та олчих байх. Гэхдээ Макинтош дээрээ илүү ажиллах боломжтой санагдсан. За тэгээд энэ программыг туршмаар байвал дээр дурдсан http://gbmsoftware.com/ сайтаар ороод татаад авна биз демо нь 5 мин үргэлжилдэг юм билээ. Утсан дээрээ суулгасныхаа дараагаар мөн сайтаас утсандаа тохирсон арьс буюу skin татаж суулгаад ini тохиргоог компьютер дээрээ тааруулах хэрэгтэй. Танд амжилт хүсье. Зугаатай байгаарай.

Update. iPhone -д зориулсан хувилбарыг оллоо. Туршиж үзэхэд бас л давгүй юм байна шүү. http://mobileairmouse.com/ энэ линкээр зочлоорой. Дээрхийн адил сервер программ ПС дээр, Клиент программ iPhone, iPod Touch дээр сууна. Би Windows 7, iPod Touch тай хэрэглэж үзлээ.