itech.mn - Технологийн No1 хөтөч

Сүүлийн үед нэг сонирхолтой вирус вэбүүдээр тарж олон хүний уур бухимдлыг төрүүлж байна. Та хэрвээ давгүй антивирустэй бол Монгол сайтуудаас зарим нэг нь вирусын алдаа зааж байсныг харсан байх. Үүнд манай Gamez.mn сайт ч хамаарна. Үндсэндээ уг вирус нь FTP буюу File Transfer Protocol -р тархдаг бөгөөд эхэн хэлбэрийн хувилбарууд нь зөвхөн index.htm, index.html файлуудад хандаж код нэмдэг эсвэл дарж хуулдаг байсан бол аажимдаа index.php зэрэг боловсруулалт хийдэг хуудсуудад тархсан. Харин одоогоор бүр бүх файлуудад өөрийн скриптээ нэмдэг болсон байгаа. Таны үндсэн файлд ямар ч нөлөө үзүүлэхгүй зөвхөн файлыг нээгээд дээр нь аль нэг хэсэг iframe дууддаг жава гэх мэт хэл дээр бичигдсэн кодыг нэмдэг. Энэ нь таниас илүүтэйгээр хэрэглэгчдэд хор хохирол учруулах боломжтой. Яг ямар үйлдэл хийдэг ямар код болохыг сайн ухаж үзээгүй болохоор мэдэх юм алга. Гэхдээ түүнийг тааж ядах юмгүй биз ээ. Голдуу ийм скриптүүд хэрэглэгчийн хувийн мэдээлэл нууц үг кардын дугаар авахад чиглэсэн байдаг.

Гадаад хэл суралцагч хүн бүрт зориулсан олон хэлний толь бичгийн шинэ програм гарлаа. Уг програм нь үгсийн сан сайтай Oxford, Webster, Britannica болон бусад 17 хэлний нийт 50 гаруй толь бичигтэй. Монгол-Англи (98850 үг), Англи-Монгол (144741 үг) толь бусад толь бичгүүдээс олон үгтэй. Mart dictionary дээр толь бичиг суулгахдаа http://www.mart.mn -ээс толинуудыг татаж аваад дээр нь хоёр дарах буюу double-click хийхэд толь нь өөрөө автоматаар сууна. (Mart dictionary нь өөрөө эхлээд суусан байх ёстой.)     Монголоор хайлт хийхдээ XP үндсэн гарын driver ашиглана. Энэ нь Unicode –оор ажилдаг тул MonKey болон ArialMon фонт шаардлагагүй. Хэдэн ч толь бичиг суулгаж болно. Манай толь хурдан хайлттай тул 40 толь бичгээс хайлт хийсэн ч таньд хэдхэн хоромд үр дүн харуулна. Мөн дээр нь таны компьютерийг бага ачааллана.

Монгол хэлний компьютерийн хөгжилд үнэлүүштэй хувь нэмэр оруулагчдын нэгд бидний танил Дусал.нэт яах аргагүй багтах билээ. Тэд хэдүйн Монгол гарын драйверуудаараа бидэнтэй танил болсон. Энэ удаад тэд Монгол хэлний бичгийн хэвийг Юникод буюу Олон улсын жишигт нийцүүлэн бэлдсэн байна. Гэхдээ 5 - 10 хэв биш бүр 500 гаруй бичгийн хэвийг бэлдэж боловсруулжээ. Харин үүнийг хийхийн ач тусыг танд тайлбарлах нь зүйтэй болов уу? Мөн суулгацыг татахаар орууллаа.

Сүүлийн үед залуу . ком, нийвс саак ком зэрэг олон олон хуудсууд хүмүүсийн хөлсөө шингээж хийсэн хуудсыг зүгээр л Frame -н дотор харуулаад л зочдыг нь өөрсөндөө татдаг буруу үйлдэл хийх болсон. Хүсэлт гаргаад хуудсаа фрэймээс нь гаргуулъя гэвэл хаснаа гэчихээд л байлгаад байдаг. Вэб хуудасны бүтцийг сайн мэдэхгүй хүмүүс уг фрэймлэсэн хуудсыг хараад бүгд эдний өмч юм байна, энэ хуудас л байхад хангалттай гэсэн ойлголттой хоцордог. Тэгвэл энэ Зочдын хулгайгаас хэрхэн сэргийлэх вэ? буюу Фрэймэн дотор хуудсаа яаж алдахгүй байх вэ? гэсэн асуудал урган гарч байна. Үүнээс гарах хялбархан арга байна.

Жүүмла -д зориулан зочидоос нууж зөвхөн хэрэглэгчдэд харуулах зориулалт бүхий нэмэлт гаргалаа. Хэрэглэхэд тун хялбархан зөвхөн { regtosee } Энд таны нуух текст жишээлбэл Татах холбоос ч юм уу? { /regtosee } хэлбэрээр агуулга дотроо буюу мэдээн дотроо оруулж өгнө. Харагдах байдал нь

“Монголын Хөгжлийн Гарц” төрийн бус байгууллагаас санаачлан хамтран ажиллагч байгууллага, мэргэжилтнүүдийн дэмжлэгтэйгээр 6 дахь жилдээ зохион байгуулж буй Мэдээллийн технологийн “ОНЫ ХYН-2008” шалгаруулалтын шилдгийн шилдгүүд 2008 оны 12-р сарын 18-нд тодорлоо.

Бидний хүсэн хүлээсэн мөч ойртлоо. Өнгөрөгч сарын 24 -ныг хүртэл явагдсан нэр дэвшүүлэх ажиллагаа дуусч, шагнал санаачлагч "Монголын Хөгжлийн Гарц" ТББ дараагийн шатанд оролцох хүмүүсийн нэрийг гаргасан байна. Тэгэхээр энэ жилийн Мэдээллийн Технологийн ОНЫ ХҮН хэний хэн болох бол? Та бүхэн хэн хэн хаанаас эцсийн шалгаруулалтанд нэр дэвшсэнг дэлгэрэнгүй дээр дарж уншаарай.

Асар том дэлгэцүүд байдаг хэдий ч нягтралын хувьд тун ч тааруу байдаг билээ. Ихэнх тохиолдолд том дэлгэцэнд ойртох тусам дүрс арзгар болж диодуудыг нь бараг харж болдог. Харин Texas Advanced Computing Center -д байрлуулсан хэсэгчилсэн дэлгэцнүүд бол дэлхийд хамгийн том бас өндөр нягтралтай дэлгэцний манлайд байрлана.

Та бүхэн Оддын дайн киног мартаагүй байхаа. Магадгүй зарим нь одоог хүртэл үзсээр л байгаа байх. Кинон дээр гардаг Гэрэлт Сэлэм буюу Light Sabre -г мэдэхгүй хүн бараг дэлхийд үгүй. Харин энэхүү сэлмийг хорт хавдрын эсрэг хэрэглэх боломжтойг нэгэн эрдэмтэн олж мэдсэн байна. Ердөө хэдхэн мм -ын урттайгаар уг сэлмийг Шилэн Кабелийн үзүүрт хийсэн бөгөөд түүгээр хорт хавдрыг таслаад зогсохгүй үлдэгдлийг нь шатаах боломжтой ажээ.

OLed буюу нугарч болдог хамгийн нимгэн дэлгэц бидэнтэй танил болоод удаагүй байгаа билээ. Одоог хүртэл уг дэлгэц нь ногоон, улаан өнгө хамгийн сайн ялгаралтай байсан бөгөөд Цэнхэр өнгөний хувьд асуудалтай байсан байна. Хэрвээ та бүхэн санаж байгаа бол Ногоон, Улаан, Цэнхэр өнгөнүүдээр бүх өнгийг хольж гаргадаг билээ. Харин Солонгосын эрдэмтэд Цэвэр Цэнхэр өнгийг гаргаж авч чаджээ. Үүний ач тусаар одоо OLed дэлгэц дэлхийд даяар үйлдвэрлэгдэхэд ямар ч асуудалгүй болж байгаа аж.